Perde 1
[Textpart 2]
cum argénto ad me.
Palinvrvs
Magnum ínceptas, si id éxpectas quod núsquamst.
Phaedromvs
Quid si ádeam ad fores atque óccentem?
145
Palinvrvs
Si lúbet, neque veto neque iúbeo,
145
quando égo te video immútatis moribus esse, ere, atque ingénio.
Phaedromvs
Péssuli, heus péssuli, vós salutó lubens,
vos amo, vos volo, vos peto atque obsecro,
gérite amantí mihi mórem, amoeníssumi,
fite causa mea ludii barbari,
150
sussilite, obsecro, et mittite istanc foras,
quae mihi misero amanti ebibit sanguinem.
hoc vide ut dormiunt pessuli pessumi
nec mea gratia commovent se ocius.
re spicio, nihili meam vos gratiam facere.
155
Palinvrvs
Taceo hercle equidem.
Phaedromvs
Sentio sonitum.
tandem edepol mihi morigeri pessuli fiunt.
[Textpart 3]
Plácide egredere et sónitum prohibe fórium et crepitum cárdinum,
Leaena
ne quod hic agimus erus percipiat fieri, mea Planesium.
