Perde 1
[Textpart 1]
Cum ego ántehac te amávi et mi amícam esse crévi,
Selenivm
mea Gýmnasium, et mátrem tuám, tum id mihi hódie
apéruistis, tu átque haec: sorór si mea ésses,
qui mágis potuerítis mihi honórem ire habitum,
néscio, nisi, ut meus est animus, fieri non posse arbitror;
5
íta omnibus relictis rebus mihi frequentem operam dedistis.
éo ego vos amo ét eo á me magnam iniistis gratiam.
Gymnasivm
Pol isto quidem nos pretio facile est frequentare
ita in prándio nos lepide ác nitide
10
accépisti apúd te, ut sempér meminerímus.
Selenivm
Lubénti edepol ánimo factum ét fiet á me,
quae vós arbitrábor velle, éa ut expetéssam.
Lena
Quód ille dixit, quí secundo vénto vectus ést tranquilló mari,
véntum gaudeo—écastor ad téd, ita hodie híc acceptaé sumus
15
néc nisi disciplina apud te fuit quicquam ibi quin mihi placeret.
Selenivm
Quid ita, amabo?
Lena
Raro nimium dabat quod biberem, id merum infuscabat.
Gymnasivm
Amábo, hicine ístud decét?
