Perde 4
Phanostrata
Haec sunt profecto.
alia mulier istoc pacto dicat, dicam esse ebriam.
Phanostrata
Non ecastor falsa memoro.
Lampadio
Nam, obsecro, unde haec gentium?
aut quis deus obiecit hanc ante ostium nostrum, quasi
dedita opera, in tempore ipso?
670
Phanostrata
Spes mihi sancta subveni.
670
[Textpart 2]
Nisi quíd mi opis di dant, dísperii, neque unde aúxilium expetam hábeo.
Halisca
itaque † petulantia mea me animi miseram habet.
quae in térgum meúm ne veniánt, male formído,
si era méa me sciát tam socórdem esse quám sum.
quamne ín manibus ténui atque accépi hic ante aédis
675
cistéllam, ubi ea sít nesció, nisi ut opínor
loca haec circiter excidit mihi.
mei hómines, mei spectátores, facite índicium, si quís vidit,
quis eam ábstulerit quisve sústulerit et utrum hác an illac iter ínstiterit.
