Perde 2
[Textpart 3]
Dico éi, quo pacto eam ab hippodromo viderim
Lampadio
erilem nostram filiam sustollere.
550
Melaenis
Iam horret corpus, cor salit.
nam mihi ab hippodromo memini adferri parvolam
puellam eamque me mihi supponere.
Phanostrata
Age perge, quaeso. ánimus audire expetit
Melaenis
Vtinam audire non queas.
555
Lampadio
Pergo illam onerare dictis: “illaec ted anus
fortunis ex secundis ad miseras vocat.
nam illaec tibi nutrix est, ne matrem censeas.
ego te reduco et revoco ad summas ditias,
ubi tu locere in luculentam familiam,
560
unde tíbi talenta magna viginti pater
det dotis; non enim hic, ubi ex Tusco modo
tute tibi indigne dotem quaeras corpore.”
Phanostrata
An, amabo, meretrix illa est quae illam sustulit?
Lampadio
Immo meretrix fuit; sed ut sit dé ea re, eloquar.
565
iam perducebam illam ad me suadela mea:
