Perde 1
[Textpart 1]
quó is homo insinuavit pacto se ad te?
mater pompam me spectatum duxit. dum redeo domum,
90
conspicillo consecutust clanculum me usque ad fores.
inde in amicitiam insinuavit cum matre et mecum simul
blanditiis, muneribus, donis.
Lena
Mihi istunc vellem hominem dari,
Selenivm
Quid opust verbis? consuetudine
coepi amare contra ego illum, et ille me.
95
adsimulare amare oportet. nam si ames, extempulo
melius illi multo, quém ames, consulas quam rei tuae.
Selenivm
At ille conceptis iuravit verbis apud matrem meam,
me uxorem ducturum esse: ei nunc alia ducendast domum,
sua cognata Lemniensis, quae habitat hic in proxumo.
100
nam eúm pater eius subégit. nunc mea mater iratast mihi,
quia non redierim domum ad se, postquam hanc rem resciverim,
eum uxorem ducturum esse aliam.
Lena
Nihil amori iniuriumst.
