Perde 1
[Textpart 1]
Bono animo es, erit isti morbo melius.
si medicus veniat qui huic morbo facere medicinam potest.
Selenivm
Spissum istuc amanti est verbum, veniet, nisi venit.
75
sed ego mea culpa et stultitia peius misera maceror,
quom ego illum unum mi exoptavi, quicum aetatem degerem.
Lena
Matronae magis cónducibilest istuc, mea Selenium,
unum amare et cúm eo aetatem exigere quoi nuptast semel.
verum enim méretrix fortunati est oppidi simillima:
80
non potest suam rem obtinere sola sine multis viris.
Selenivm
Hoc volo agatis. qua accersitae causa ad me estis, eloquar.
nam mea mater, quia ego nolo me meretricem dicier,
obsecutast de ea re, gessit morem morigerae mihi,
ut me, quém ego amarem graviter, sineret cúm eo vivere.
85
Lena
Stulte ecastor fecit. sed tu enumquam cum quiquam viro
Selenivm
Nisi quidem cum Alcesimarcho, nemine,
neque pudícitiam meam mi álius quisquam imminuit.
