Perde 1
[Textpart 1]
et quid tibi est et quid velis nostram operam, ut nos sciamus.
Gymnasivm
noli, obsecro, lacrumis tuis mi exercitum imperare.
Selenivm
Méd excrucio, mea Gymnasium: male mihi est, male maceror;
doleo ab animo, doleo ab oculis, doleo ab aegritudine.
60
quid dicam, nisi stultitia mea me in maerorem rapi?
Gymnasivm
Indidem unde oritur facito ut facias stultitiam sepelibilem.
Gymnasivm
In latebras abscondas pectore penitissimo.
tuam stultitiam sola facito ut scías sine aliis arbitris.
Selenivm
At mihi cordolium est.
65
Gymnasivm
Quid? id unde est tibi cor? commemora obsecro;
65
quod neque ego habeo neque quisquam alia mulier, ut perhibent viri.
Selenivm
Siquid est quod doleát, dolet; si aútem non est—tamen hoc hic dolet.
Gymnasivm
Amat haec mulier.
Selenivm
Eho an amare occipere amarum est, obsecro?
Gymnasivm
Namque ecastor Amor et melle et felle est fecundissimus;
gustui dat dulce, amarum ad satietatem usque oggerit.
70
Selenivm
Ad istam faciem est morbus, qui me, mea Gymnasium, macerat.
Gymnasivm
Perfidiosus est Amor.
Selenivm
Ergo in mé peculatum facit.
