Perde 2
[Textpart 3]
nihilo magis ille unicust mihi filius quam ego illi pater:
Lysidamvs
illum mi aequiust quam me illi quae volo concedere.
265
Cleostrata
Tu ecastor tibi, homo, malam rem quaeris.
Lysidamvs
Subolet, sentio.
Cleostrata
Tu. nam quid friguttis? quid istuc tam cupide cupis?
Lysidamvs
Vt enim frugi servo detur potius quam servo improbo.
Cleostrata
Quid si ego impetro atque exoro a vilico, causa mea
ut eam illi permittat?
270
Lysidamvs
Quid si ego autem ab armigero impetro,
270
ut eam illi permittat? atque hóc credo impetrassere.
Cleostrata
Convenit. vin tuis Chalinum huc evocem verbis foras?
tú eum orato, ego autem orabo vilicum.
Cleostrata
Iam hic erit. nunc experiemur, nostrum uter sit blandior.—
Lysidamvs
Hercules dique istam perdant, quod nunc liceat dicere.
275
ego discrucior miser amore, illa autem quasi ob industriam
mi advorsatur. subolet hoc iam uxori quod ego machinor:
propter eam rem magis armigero dat operam de industria.
[Textpart 4]
qui illum di omnes deaeque perdant.
