Perde 2
Myrrhina
Quis est, quém vides?
eccum ít; intro ábi, adpropera, áge amabó.
Cleostrata
Mox mágis cum otium mi et tibi érit, igitur
[Textpart 3]
Omnibus rebus ego amorem credo et nitoribus nitidis antevenire,
Lysidamvs
nec potis quicquam commemorari quod plus salis plusque leporis hodie
habeat; cocos equidem nimis demiror, tot qui utuntur condimentis,
eos eo condimento uno non utier, omnibus quod praestat.
220
nam úbi amor condiméntum inerit, cuivís placituram escam crédo;
neque sálsum neque suave ésse potest quicquam, úbi amor non admíscetur:
fel quód amarumst, id mél faciet, hominem éx tristi lepidum ét lenem.
hanc égo de me coniécturam domi fácio magis quam ex aúditis;
qui quóm amo Casinam, mágis niteo, mundítiis munditiam ántideo:
225
myropólas omnes sollicito, ubicúmque est lepidum unguéntum, unguor,
