Perde 2
[Textpart 6]
gratiam facias.
Cleostrata
At pol ego néque facio neque censeo.
Lysidamvs
Tum igitur ego sortis utrimque iam.
Lysidamvs
Optimum atque aequissimum istud esse iure iudico.
375
postremo, si illuc quod volumus eveniet, gaudebimus;
sin secus, patiemur animis aequis. tene sortem tibi.
Chalinvs
Iniquom est, quia isti prius quam mihi dedit.
Lysidamvs
Accipe hanc sis.
Chalinvs
Cedo. mane, unum venit in mentem modo:
vide ne quae illic insit alia sortis sub aqua.
380
Cleostrata
Nulla est. habe quietum animum modo.
Chalinvs
Quod bonum atque fortunatum sit mihi—
tibi quidem edepol credo eveniet; novi pietatem tuam.
sed mane dum: num ista aut populna sors aut abiegnast tua?
