Perde 2
[Textpart 6]
Te uno adest plus quam ego volo.
Chalinvs
Tibi quidem edepol ita videtur; stimulus ego nunc sum tibi,
360
fodico corculum; adsudascis iam ex metu, mastigia.
Olympio
Immo istunc, qui didicit dare.
Lysidamvs
Adpone hic sitellam, sortis cedo mihi. animum advortite.
atque ego censui aps te posse hoc me impetrare, uxor mea,
Casina ut uxor mihi daretur; et nunc etiam censeo.
365
Cleostrata
Tibi daretur illa?
Lysidamvs
Mihi enim—ah, non id volui dicere:
dum mihi volui, huic dixi, atque adeo mihi dum cupio—perperam
iam dudum hercle fabulor.
Cleostrata
Pol tu quidem, atque etiam facis.
Lysidamvs
Huic—immo hercle mihi—vah, tandem redii vix veram in viam.
Cleostrata
Per pol saepe peccas.
370
Lysidamvs
Ita fit, ubi quid tanto opere expetas.
370
sed te uterque tuo pro iure, ego atque hic, oramus.
Lysidamvs
Dicam enim, mea mulsa: de istac Casina huic nostro vilico
