Perde 2
[Textpart 5]
Ego edepol illam mediam diruptam velim.
Olympio
Credo edepol esse, siquidem tu frugi bonae es.
verum edepol tua mihi odiosa est amatio:
inimica est tua uxor mihi, inimicus filius,
Lysidamvs
Quid id refert tua?
330
unus tibi hic dum propitius sit Iuppiter,
tu istos minutos cave deos flocci feceris.
Olympio
Nugae sunt istae magnae. quasi tu nescias,
repente ut emoriantur humani Ioves.
responde: si tu Iuppiter sis mortuos,
335
cum ad deos minoris redierit regnum tuom,
quis mihi subveniet tergo aut capiti aut cruribus?
Lysidamvs
Opinione melius res tibi habeát tua,
si hoc impetramus, ut ego cum Casina cubem.
Olympio
Non hercle opinor posse, ita uxor acriter
340
tua instat, ne mihi detur.
Lysidamvs
At ego sic agam:
coniciam sortis in sitellam et sortiar
tibi et Chalino. íta rem natam intellego:
