Perde 5
[Textpart 4]
ubi labore lassitudo est exigunda ex corpore.
Tyndarvs
nam ubi illo adveni, quasi patriciis pueris aut monerulae,
aut anites aut coturnices dantur, quicum lusitent,
itidem mi haec advenienti upupa, qui me delectem, datast.
sed erus eccum ante ostium, et erus alter eccum ex Alide
1005
Hegio
Salve, éxoptate gnate mi.
Tyndarvs
Hem, quid gnate mi?
attat, scio cur te patrem adsimules esse et me filium:
quia mi item ut parentes lucis das tuendi copiam.
Philocrates
Salve, Tyndare.
Tyndarvs
Et tu, quoius causa hanc aerumnam exigo.
Philocrates
At nunc liber in divitias faxo venies. nam tibi
1010
pater hic est; hic servos, qui te huic hinc quadrimum surpuit,
vendidit patri meo te sex minis, is te mihi
parvolum peculiarem parvolo puero dedit:
illic indícium fecit; nam hunc ex Alide huc reduximus.
Tyndarvs
Quid huius filium?
1015
Philocrates
Intus eccum fratrem germanum tuom.
1015
Tyndarvs
Quid tu ais? adduxtin illum huius captivom filium?
