Perde 4
[Textpart 2]
Alium porcinam atque agninam et pullos gallinaceos?
Hegio
Scis bene esse, si sit unde.
850
Ergasilvs
† Pernam atque ophthalmiam,
850
horaeum, scombrum et trygonum et cetum, et mollem caseum?
Hegio
Nominandi istorum tibi erit magis quam edundi copia
Ergasilvs
Mean me causa hoc censes dicere?
Hegio
Nec nihil hodie nec multo plus tu hic edes, ne frustra sis.
proin tu tui cottidiani victi ventrem ad me afferas.
855
Ergasilvs
Quin ita faciam, ut tute cupias facere sumptum, etsi ego vetem.
Hegio
Tum tu mi igitur erus es.
Ergasilvs
Immo benevolens.
vin te faciam fortunatum?
Hegio
Malim quam miserum quidem.
Ergasilvs
Di te omnes adiuvant.
