Perde 3
[Textpart 4]
hercle qui, si hunc comprehendi iusseris, sapias magis.
Aristophontes
Crucior, lapidem non habere mé, ut illi mastigiae
600
cerebrum excutiam, qui me insanum verbis concinnat suis.
Tyndarvs
Audin lapidem quaeritare?
Aristophontes
Solus te solum volo,
Hegio
Istinc loquere, si quid vis, procul. tamen audiam.
Tyndarvs
Namque edepol si adbites propius, os denasabit tibi
Aristophontes
Neque pol me insanum, Hégio, esse creduis
605
neque fuisse umquam, neque esse morbum quem istic autumat.
verum si quid metuis a me, iube me vinciri: volo,
dum istic itidem vinciatur.
Tyndarvs
Immo enim vero, Hegio,
istic, qui volt, vinciatur.
Aristophontes
Tace modo. ego te, Philocrates
false, faciam ut verus hodie reperiare Tyndarus.
610
Tyndarvs
Tibi ego abnuto?
Aristophontes
Quid agat, si absis longius?
