Perde 3
[Textpart 4]
Viden tu hunc, quam ínimico voltu intuetur? concedi optumumst,
Tyndarvs
Hegio: fit quód tibi ego dixi, glíscit rabies, cave tibi.
Hegio
Credidi esse insanum extemplo, ubi te appellavit Tyndarum.
Tyndarvs
Quin suom ipse interdum ignorat nomen neque scit qui siet.
560
Hegio
At etiam te suom sodalem esse aibat.
Tyndarvs
Haud vidi magís.
et quidem Alcumeus atque Orestes et Lycurgus postea
una opera mihi sunt sodales qua iste.
Aristophontes
At etiam, furcifer,
male loqui mi audés? non ego te novi?
Hegio
Pol planum id quidem est,
non novisse, qui istum appelles Tyndarum pro Philocrate.
565
quem vides, eum ignoras: illum nominas quem non vides.
Aristophontes
Immo iste eum sese ait, qui non est, esse, et qui vero est, negat.
Tyndarvs
Tu énim repertu's repertus es , Philocratem qui superes veriverbio.
Aristophontes
Pol ego ut rem video, tu inventu's inventus es , vera vanitudine
qui convincas. sed quaeso hercle, agedum aspice ad me.
570
Aristophontes
Dic modo:
570
tun negas te Tyndarum esse?
