Perde 2
[Textpart 3]
merito tibi ea evenerunt a me; nam nunc, Philocrates,
415
Philocrates
sí ego item memorem quae me erga multa fecisti bene,
nox diem adimat; nam quasi servos meus esses, nihilo setius
tu mihi obsequiosus semper fuisti.
hominum ingenium liberale. ut lacrumas excutiunt mihi.
videas corde amare inter se. quantis lautus laudibus
420
suom erum servos collaudavit.
Tyndarvs
Pól istic me haud centesimam
partem laudat quam ipse meritust ut laudetur laudibus.
Hegio
Ergo cum optume fecisti, nunc adest occasio
bene facta cumulare, ut erga hunc rem geras fideliter.
Philocrates
Magis non factum possum velle, quam opera experiar persequi;
425
id ut scias, Iovem supremum testem laudo, Hegio,
me infidelem non futurum Philocrati.
Philocrates
Nec me secus umquam ei facturum quicquam quam memet mihi.
Tyndarvs
Istaec dicta te experiri et operis et factis volo;
et, quo minus dixi quam volui de te, animum advortas volo,
430
atque horunc verborum causa caveto mi iratus fuas;
