Perde 4
[Textpart 4]
ut senem hodie doctum docte fallas aurumque auferas.
Chrysalvs
Vix videtur fieri posse.
695
Mnesilochvs
Perge, ac facile ecfeceris.
695
Chrysalvs
Quam, malum, fácile, quem mendaci prendit manufesto modo?
quem si orem ut mihi nil credat, id non ausit credere.
Mnesilochvs
Immo si audias quae dicta dixit me adversum tibi.
Mnesilochvs
Si tu illum solem sibi solem esse diceres,
se illum lunam credere esse et noctem qui nunc est dies.
700
Chrysalvs
Emungam hercle hominem probe hodie, ne id nequiquam dixerit.
Mnesilochvs
Nunc quid nos vis facere?
Chrysalvs
Énim nil nisi ut ametis impero.
ceterum quantum lubet me poscitote aurum: ego dabo.
quid mihi refert Chrysalo esse nomen, nisi factis probo?
sed nunc quantillum usust auri tibi, Mnesiloche? dic mihi.
705
Mnesilochvs
Militi nummis ducentis iam usus est pro Bacchide.
Mnesilochvs
Tum nobis opus est sumptu.
Chrysalvs
Ah, placide volo
unum quidque agamus: hoc ubi egero, tum istuc agam.
