Perde 4
[Textpart 4]
núm qui nummi éxciderúnt, ere, tibi,
Chrysalvs
quod síc terram optuére?
quid vós maestos tam trístesque esse cónspicor?
non plácet nec temere est étiam. quin mihi réspondetis?
670
Mnesilochvs
Chrýsale, occidi.
Chrysalvs
Fortassis tu auri dempsisti parum?
Mnesilochvs
Quam, malum, parum? immo vero nimio minus multo parum.
Chrysalvs
Quid igitur, stulte? an tu, quoniam occasio ad eam rem fuit
mea virtute parta, ut quantum velles tantum sumeres,
sic hoc digitulis duobus sumebas primoribus?
675
an nescibas quam eius modi hómini raro tempus se daret?
Chrysalvs
At quidem túte errasti, cum parum immersti ampliter.
Mnesilochvs
Pol tu quam nunc med accuses magis, si magis rem noveris.
Chrysalvs
Animus iam istoc dicto plus praesagitur mali.
Mnesilochvs
Quia patri omne cum ramento reddidi.
680
