Perde 4
[Textpart 2]
Numquid vis?
Pistoclervs
Abeas. celeriter factost opus.
Parasitvs
Vale, dentifrangibule.—
605
Pistoclervs
Et tu, integumentum, vale.
605
in eum nunc haec res vénit locum, ut quid consili
dem meo sodali super amica nesciam,
qui iratus renumeravit omne aurum patri,
neque nummus ullust qui reddatur militi.
sed huc concedam, nam concrepuerunt fores.
610
Mnesilochus eccum maestus progreditur foras.
[Textpart 3]
Pétulans, protervo íracundo ánimo, indomito incógitato,
Mnesilochvs
sine modo et modestia sum, sine bono iure atque honore,
incredibilis imposque animi, ínamabilis inlepidus vivo,
malevolente ingenio natus. postremo id mi est quod volo
615
ego esse áliis. credibile hóc est?
615
nequiór nemost neque indígnior quoi
di béne faciant neque quém quisquam
inimícos quam amícos aequómst med habére,
malós quam bonós par magís me iuváre.
