Perde 4
[Textpart 2]
paucis: me misit miles ad eam Cleomachus,
Parasitvs
vel ut ducentos Phílippos reddat aureos
590
vel ut hinc in Elatiam hodie eat secum semul.
Pistoclervs
Non it. negat se ituram. abi et renuntia.
alium illa amat, non illum. duc te ab aedibus.
Parasitvs
Nimis iracunde.
Pistoclervs
At scin quam iracundus siem?
ne tíbi hercle haud longe est os ab infortunio,
595
ita dentifrangibula haec meis manibus gestiunt.
Parasitvs
Cum ego huius verba interpretor, mihi cautiost,
ne nucifrangibula excussit ex malis meis.
tuo ego istaec igitur dicam illi periculo.
Pistoclervs
Quid ais tu?
600
Parasitvs
Ego istuc illi dicam.
600
Pistoclervs
Dic mihi,
600
Parasitvs
Illius sum integumentum corporis.
Pistoclervs
Nequam esse oportet cui tu integumentum improbu'simprobus es.
Parasitvs
Sufflatus ille huc veniet.
Pistoclervs
Dirrumptum velim.
