Perde 4
[Textpart 6]
ferratusque in pistrino aetatem conteras.
Nicobvlvs
omnia rescivi scelera ex Mnesilocho tua.
Chrysalvs
Men criminatust? optimest: ego sum malus,
ego sum sacer, scelestus. specta rem modo;
ego verbum faciam nullum.
785
Nicobvlvs
Etiam, carnufex,
785
Chrysalvs
Nosces tu illum actutum qualis sit.
nunc has tabellas ferre me iussit tibi.
orabat, quod istic esset scriptum ut fieret.
Nicobvlvs
Novi. ubi ipse est?
nil iam me oportet scire. oblitus sum omnia.
790
scio me ésse servom. nescio etiam id quod scio.
nunc ab trasenna hic turdus lumbricum petit;
pendebit hodie pulcre, ita intendi tenus.
Nicobvlvs
Mane dum parumper; iam exeo ad te, Chrysale.—
Chrysalvs
Vt verba mihi dat, ut nescio quam rem gerat.
795
