Perde 4
[Textpart 5]
metuoque ut hodie possiem emolirier.
Chrysalvs
sed nunc truculento mi atque saevo usus senest;
nam non conducit húic sycophantiae
senem tranquillum ésse ubi me aspexerit.
765
versabo ego illum hodie, si vivo, probe.
tam frictum ego illum reddam quam frictum est cicer.
adambulabo ad ostium, ut, quando exeat,
extemplo advenienti ei tabellas dem in manum.
[Textpart 6]
Nimium illaec res est magnae dividiae mihi,
770
Nicobvlvs
supterfugisse sic mihi hodie Chrysalum.
Chrysalvs
Salvos sum, iratus est senex. nunc est mihi
adeundi ad hominem tempus.
Nicobvlvs
Quis loquitur prope?
atque hic quidem, opinor, Chrysalust.
Nicobvlvs
Bone serve, salve. quid fit? quam mox navigo
775
in Ephesum, ut aurum repetam ab Theotimo domum?
taces? per omnis deos adiuro, ut ni meum
gnatum tam amem atque ei facta cupiam quae is velit,
ut tua iam virgis latera lacerentur probe
