Perde 3
[Textpart 6]
nam ni ita esset, tecum orarem ut éi quod posses mali
Mnesilochvs
facere faceres.
555
Pistoclervs
Dic modo hominem qui sit: si non fecero
555
ei male aliquo pacto, me esse dicito ignavissimum.
Mnesilochvs
Nequam homost, verum hercle amicus est tibi.
dic quis est; nequam hominis ego parvi pendo gratiam.
Mnesilochvs
Video non potesse quin tibi eius nomen eloquar.
Pistoclere, perdidisti me sodalem funditus.
560
Pistoclervs
Quid istuc est?
Mnesilochvs
Quid est? misine ego ad te ex Epheso epistulam
super amica, ut mi invenires?
Pistoclervs
Fateor factum, et repperi.
Mnesilochvs
Quid? tibi non erat meretricum aliarum Athenis copia
quibuscum haberes rem, nisi cum illa quám ego mandassem tibi
occiperes tute † amare et mi ires consultum male?
565
Mnesilochvs
Rem repperi omnem ex tuo magistro. ne nega.
Pistoclervs
Etiamne ultro tuis me prolectas probris?
