Perde 2
[Textpart 1]
Erilis patria, salve, quam ego biennio,
170
Chrysalvs
postquam hinc in Ephesum abii, conspicio lubens.
saluto te, vicine Apollo, qui aedibus
propinquos nostris accolis, veneroque te,
ne Nicobulum me sinas nostrum senem
prius cónvenire quam sodalem viderim
175
Mnesilochi Pistoclerum, quem ad epistulam
Mnesilochus misit super amica Bacchide.
[Textpart 2]
Mirumst me ut redeam te opere tanto quaesere,
Pistoclervs
qui abire hinc nullo pacto possim, si velim:
ita me vadatum amore vinctumque adtines.
180
Chrysalvs
Pro di immortales, Pistoclerum conspicor.
Pistoclervs
Salve, Chrysale.
Chrysalvs
Compendi verba multa iam faciam tibi.
venire tu me gaudes: ego credo tibi;
hospitium et cenam pollicere, ut convenit
185
peregre advenienti: ego autem venturum adnuo.
salutem tibi ab sodáli solidam nuntio:
rogabis me úbi sit: vivit.
