Perde 3
[Textpart 5]
incommoditates sumptusque intolerabiles.
Megadorvs
nam quae indotata est, ea in potestate est viri;
dotatae mactant et malo et damno viros.
535
sed eccum adfinem ante aedes. quid agis, Euclio?
[Textpart 6]
Nimium lubenter edi sermonem tuom.
Evclio
Vsque a principio omnia.
Megadorvs
Tamen meó quidem animo aliquánto facias rectius,
si nitidior sis filiai nuptiis.
540
Evclio
Pro re nitorem et gloriam pro copia
qui habent, meminerunt sese unde oriundi sient.
neque pol, Megadore, mihi neque quoiquam pauperi
opinione melius res structa est domi.
Megadorvs
Immo est quod satis est, et di faciant ut siet
545
plus plusque et istuc sospitent quod nunc habes.
Evclio
Illud mihi verbum non placet quod nunc habes.
tam hoc scit me habere quam egomet. anus fecit palam.
Megadorvs
Quid tu te solus e senatu sevocas?
Evclio
Pol ego ut te accusem merito meditabar.
550
