Perde 2
[Textpart 8]
sed quid ego apertas aedis nostras conspicor?
Evclio
et strepitust intus. numnam ego compilor miser?
Congrio
Aulam maiorem, si pote, ex vicinia
390
pete: haec est parva, capere non quit.
perii hercle. aúrum rapitur, aula quaeritur.
nímirum occidor, nisi ego intro huc propere propero currere.
Apollo, quaeso, subveni mi atque adiuva,
confige ságittis fures thensaurarios,
395
si cui in re tali iam subvenisti antidhac.
sed cesso prius quam prorsus perii currere?
[Textpart 9]
Dromo, desquama piscis. tu, Machaerio,
Anthrax
congrum, murenam exdorsua quantum potest.
ego hinc artoptam ex proximo utendam peto
400
a Congrione. tu istum gallum, si sapis,
glabriorem reddes mihi quam volsus ludiust.
sed quid hoc clamoris oritur hinc ex proximo?
coqui hercle, credo, faciunt officium suom.
fugiam intro, ne quid turbae hic itidem fuat.
405
