Perde 2
[Textpart 4]
Quíd? hic non poterat de suo
Anthrax
senex óbsonari filiai nuptiis?
295
Pythodicvs
Quid negoti sit rogas?
pumex non aeque est aridus atque hic est senex.
Pythodicvs
Ita esse ut dixi. tute existuma:
suam rem periisse seque eradicarier.
quin divom atque hominum clamat continuo fidem,
300
de suo tigillo fumus si qua exit foras.
quin cum it dormitum, follem obstringit ob gulam.
Pythodicvs
Ne quid animae forte amittat dormiens.
Anthrax
Etiamne obturat inferiorem gutturem,
ne quid animai forte amittat dormiens?
305
Pythodicvs
Haec mihi te ut tibi med aequom est, credo, credere.
Anthrax
Immo equidem credo.
Pythodicvs
At scin etiam quo modo?
aquam hercle plorat, cum lavat, profundere.
