Perde 2
[Textpart 3]
nunc probrum atque partitudo prope adest ut fiat palam;
Staphyla
quod celatum atque occultatum est usque adhuc, nunc non potest.
ibo intro, ut erus quae imperavit facta, cum veniat, sient.
nam ecastor malum maerore metuo ne mixtum bibam.—
[Textpart 4]
Postquam óbsonavit erus et conduxit coquos
280
Pythodicvs
tibicinasque hasce apud forum, edixit mihi
ut dispertirem obsonium hic bifariam.
Anthrax
Me quidem hercle, dicam tibi palam, non divides;
si quo tu totum me ire vis, operam dabo.
Congrio
Bellum et pudicum vero prostibulum popli.
285
post si quis vellet, te haud non velles dividi.
Pythodicvs
Atque ego istuc, Anthrax, alio vorsum dixeram,
non istuc quo tu insimulas. sed erus nuptias
Anthrax
Cuius ducit filiam?
Pythodicvs
Vicini huius Euclionis senis e proximo.
290
ei adeo obsoni hinc iussit dimidium dari,
cocum alterum itidemque alteram tibicinam.
Anthrax
Nempe huc dimidium dicis, dimidium domum?
Pythodicvs
Nempe sícut dicis.
