Perde 2
[Textpart 2]
te ex Leonida futurum esse atriensem Sauream,
Libanvs
dum argentum afferat mercator pró asinis.
Libanvs
Ego illum interea hic oblectabo, prius si forte advenerit.
370
Leonida
Pugno malam si tibi percussero,
mox cum Sauream imitabor, caveto ne suscenseas.
Libanvs
Hercle vero tu cavebis ne me attingas, si sapis,
né hodie malo cum auspicio nomen commutaveris.
Leonida
Quaeso, aequo animo patitor.
375
Libanvs
Patitor tú item, cum ego te referiam.
375
Leonida
Dico ut usust fieri.
Libanvs
Dico hercle ego quoque ut facturus sum.
Libanvs
Quin promitto, inquam, hostire contra ut merueris.
Leonida
Ego abeo, tu iam, scio, patiere. sed quis hic est? is est,
ille est ipsus. iam ego recurro húc. tu hunc interea hic tene.
Libanvs
Quin tuom officium facis ergo ac fugis?
380
