Perde 2
[Textpart 2]
nostrum vendere atriensem?
Libanvs
Memini. quid tum postea?
Leonida
Em ergo is argentum huc remisit, quod daretur Saureae
pró asinis. adulescens venit modo, qui id argentum attulit.
Leonida
Iam devorandum censes, si conspexeris?
Libanvs
Ita enim vero. sed tamen, tu nempe eos asinos praedicas
vetulos, claudos, quibus subtritae ad femina iám erant ungulae?
340
Leonida
Ipsos, qui tibi subvectabant rure huc virgas ulmeas.
Libanvs
Teneo, atque idem te hinc vexerunt vinctum rus.
verum in tonstrina ut sedebam, me infit percontarier,
ecquem filium Stratonis noverim Demaenetum.
dico me novisse extemplo et me eius servom praedico
345
esse, et aedis demonstravi nostras.
Leonida
Ait se ob asinos ferre argentum átriensi Saureae,
viginti minas, séd eum sese non nosse hominem qui siet,
ipsum vero se novisse callide Demaenetum.
quoniam ille elocutus haec sic—
350
