Perde 2
[Textpart 4]
Libanum libertum? iam manu emíssu'semissus es?
Leonida
Ne tu hercle cum magno malo mihi obviam occessisti.
cur non venisti, ut iusseram, in tonstrinam?
Leonida
Siquidem hércle nunc summum Iovem te dicas detinuisse
atque is precator adsiet, malam rem effugies numquam.
415
tu, verbero, imperium meum contempsisti?
Mercator
Quaeso hercle noli, Saurea, mea causa hunc verberare.
Leonida
Vtinam nunc stimulus in manu mihi sit.
Leonida
Qui latera conteram tua, quae occalluere plagis.
abscede ac sine me hunc perdere, qui semper me ira incendit,
420
cui numquam unam rem me licet semel praecipere furi,
quin centiens eadem imperem atque ogganniam, itaque iam hercle
clamore ac stomacho non queo labori suppeditare.
iussin, sceleste, ab ianua hoc stercus hinc auferri?
iussin columnis deici operas araneorum?
425
iussin in splendorem dari bullas has foribus nostris?
