Perde 1
[Textpart 3]
usque eratis, meo de studio studia erant vostra omnia,
210
Argyrippvs
usque adhaerebatis: quod ego iusseram, quod volueram
faciebatis, quod nolebam ac votueram, de industria
fugiebatis, neque conari id facere audebatis prius.
nunc neque quid velim neque nolim facitis magni, pessumae.
Cleareta
Non tu scis? hic noster quaestus aucupi simillimust.
215
auceps quando concinnavit aream, offundit cibum;
aves adsuescunt: nécesse est facere sumptum qui quaerit lucrum;
saepe edunt: semel si sunt captae, rem solvont aucupi.
itidem hic apud nos: aedes nobis area est, auceps sum ego,
esca est meretrix, lectus inlex est, amatores aves;
bene salutando consuescunt, compellando blanditer,
osculando, oratione vinnula, venustula.
si papillam pertractavit, haud est ab re aúcupis;
savium si sumpsit, sumere eum licet sine retibus.
225
haecine te esse oblitum, in ludo qui fuisti tam diu?
Argyrippvs
Tua ista culpa est, quae discipulum semidoctum abs te amoves.
Cleareta
Remeato audacter, mercedem sí eris nactus: nunc abi.
Argyrippvs
Mane, mane, audi. dic, quid me aequom censes pro illa tibi dare,
annum hunc ne cum quiquam alio sit?
230
