Perde 4
Mercvrivs
Ita, sum Sosia, nisi me esse oblitum existimas.
Amphitrvo
Sceleste, at etiam quid velim, id tu me rogas?
1025
Mercvrivs
Ita, rogo. paene effregisti, fatue, foribus cardines.
an foris censebas nobis publicitus praeberier?
quid me aspectas, stolide? quid nunc vis tibi? aut quis tu es homo?
Amphitrvo
Verbero, etiam quis ego sim me rogitas, ulmorum Acheruns?
quem pol ego hodie ob istaec dicta faciam ferventem flagris.
1030
Mercvrivs
Prodigum te fuisse oportet olim in adulescentia.
Mercvrivs
Quia senecta aetate á me mendicas malum.
Amphitrvo
Cum cruciatu tuo istaec hodie, verna, verba funditas.
Mercvrivs
Sacrufico ego tibi.
Mercvrivs
Quia enim te macto infortunio.
Amphitrvo
At ego te cruce et cruciatu mactabo, mastigia.
(Mercvrivs)
Érus Amphitruost occupatus.
abiendi nunc tibi etiam occasiost.
Optimo iure infringatur aula cineris in caput.
