Perde 3
[Textpart 3]
Tu gubernatorem a navi huc evoca verbis meis
Ivppiter
Blepharonem, qui re divina facta mecum prandeat.
Sosia
Iam hic ero, cum illic censebis esse me.—
Ivppiter
Actutum huc redi.
Alcvmena
Numquid vis, quin abeam iam intro, ut apparentur quibus opust?
970
Ivppiter
I sane, et quantum potest parata fac sint omnia.
Alcvmena
Quin venis quando vis intro? faxo haud quicquam sit morae.—
Ivppiter
Recte loquere et proinde diligentem ut uxorem decet.
iam hisce ambo, et servos et era, frustra sunt duo,
qui me Amphitruonem rentur esse: errant probe.
975
nunc tu divine húc fac adsis Sosia
(audis quae dico, tam etsi praesens non ades),
fac Amphitruonem ádvenientem ab aedibus
ut abigas; quovis pacto fac commentus sis.
volo déludi illunc, dum cum hac usuraria
980
uxore nunc mihi morigero. haec curata sint
fac sis, proinde adeo ut velle med intellegis,
atque ut ministres mihi, mihi cum sacruficem.
[Textpart 4]
Concédite atque abscédite omnes, dé via decédite,
Mercvrivs
nec quísquam tam audax fúat homo, qui óbviam obsistát mihi.
985
