Perde 3
[Textpart 2]
ridiculi causa. vél hunc rogato Sosiam.
Alcvmena
Quin huc adducis meum cognatum Naucratem,
testem quem dudum te adducturum dixeras,
Ivppiter
Si quid dictum est per iocum,
920
non aequom est id te serio praevortier.
Alcvmena
Ego illúd scio quam doluerit cordi meo.
Ivppiter
Per dexteram tuam te, Alcumena, oro obsecro,
da mihi hanc veniam, ignosce, irata ne sies.
Alcvmena
Ego istaec feci verba virtute irrita;
925
nunc, quando factis me impudicis abstini,
ab impudicis dictis avorti volo.
valeas, tibi habeas res tuas, reddas meas.
ibo egomet; comitem mihi Pudicitiam duxero.†
930
Ivppiter
Mane. arbitratu tuo ius iurandum dabo,
me meam pudicam esse uxorem arbitrarier.
id ego si fallo, tum te, summe Iuppiter,
