Perde 2
[Textpart 2]
Meus vir hic quidem est.
660
Amphitrvo
Séquere hac tu me.
660
Alcvmena
Nam quid ille revortitur
660
qui dudum properare se aibat? án ille me temptat sciens
atque id se volt experiri, suom abitum ut desiderem?
ecastor med haud invita se domum recipit suam.
Sosia
Amphitruo, redire ad navem meliust nos.
Sosia
Quia domi daturus nemo est prandium advenientibus.
665
Amphitrvo
Qui tibi nunc istuc in mentemst?
Sosia
Quia enim sero advenimus.
Sosia
Quia Alcumenam ante aedis stare saturam intellego.
Amphitrvo
Gravidam ego illanc hic reliqui quóm abeo.
Sosia
Ad aquam praebendam commodum adveni domum,
decumo post mense, ut rationem te putare intellego.
670
Sosia
Scin quam bono animo sim? si situlam cepero,
