Perde 1
[Textpart 1]
Bene facit: quia nos eramus peregre, tutatust domi;
Sosia
at nunc abi sane, advenisse familiares dicito.
Mercvrivs
Nescio quam tu familiaris sis: nisi actutum hinc abis,
familiaris accipiere faxo haud familiariter.
355
Sosia
Hic inquam habito ego atque horunc servos sum.
Mercvrivs
At scin quo modo?
faciam ego hodie te superbum, nisi hinc abis.
Mercvrivs
Auferere, non abibis, sí ego fustem sumpsero.
Sosia
Quin me esse huius familiai familiarem praedico.
Mercvrivs
Vide sis quam mox vapulare vis, nisi actutum hinc abis.
360
Sosia
Tun domo prohibere peregre me advenientem postulas?
Mercvrivs
Haecine tua domust?
Mercvrivs
Quis erus est igitur tibi?
Sosia
Amphitruo, qui nunc praefectust Thebanis legionibus,
quicum nupta est Alcumena.
Mercvrivs
Quid ais? quid nomen tibi est?
Sosia
Sosiam vocant Thebani, Davo prognatum patre.
365
Mercvrivs
Ne tu istic hodie malo tuo compositis mendaciis
