Perde 5
MICIO
I ergo intro, et cui rei est ei rei hunc sumamus diem.
855
[Textpart 4]
Nunquam ita quisquam bene subducta ratione ad vitam fuit
DEMEA.
Quin res, aetas, usus semper aliquid apportet novi,
Aliquid moneat; ut illa quae te scire credas nescias,
Et quae tibi putaris prima in experiendo repudies:
Quod nunc mihi evenit; nam ego vitam duram quam vixi usque adhuc
860
Prope iam excurso spatio mitto. Id quamobrem? Re ipsa repperi
Facilitate nihil esse homini melius neque clementia.
Id esse verum ex me atque ex fratre cuivis facile est noscere.
Ille suam semper egit vitam in otio, in conviviis,
Clemens, placidus, nulli laedere os, arridere omnibus:
865
Sibi vixit; sibi sumtum fecit: omnes bene dicunt, amant.
Ego ille agrestis, saevus, tristis, parcus, truculentus, tenax,
Duxi uxorem: quam ibi miseriam vidi! Nati filii,
Alia cura. Porro autem illis dum studeo ut quam plurimum
Facerem, contrivi in quaerendo vitam atque aetatem meam.
870
Nunc exacta aetate hoc fructi pro labore ab his fero,
