Perde 2
[Textpart 2]
Age; novi tuum animum; quasi iam usquam tibi sint viginti minae,
SYRUS
Dum huic obsequare. Praeterea autem te aiunt proficisci Cyprum.
SYRUS
Coëmisse hinc quae illuc veheres multa; navem conductam; hoc, scio,
225
Animus tibi pendet. Ubi illinc, spero, redieris tamen hoc ages.
SANNIO
Nusquam pedem. Perii hercle; hac illi spe hoc inceperunt.
SANNIO
O scelera! illud vide
Ut in ipso articulo oppressit. Emtae mulieres
Complures; et item hine alia quae porto Cyprum.
230
Nisi eo ad mercatum venio, damnum maximum est.
Nunc si hoc omitto actum agam; ubi illinc rediero
Nihil est; refrixerit res. Nunc demum venis?
Cur passus? ubi eras? Ut sit satius perdere
Quam aut hic nunc manere tam diu, aut tum persequi.
235
SYRUS
Iamne enumerasti id quod ad te rediturum putes?
SANNIO
Hocine illo dignum est? hocine incipere Aeschinum?
Per oppressionem ut hanc mihi eripere postulet?
SYRUS
Labascit. Unum hoc habeo: vide si satis placet:
