Perde 4
[Textpart 3]
Nescias. Verum id tua refert nihil utrum illae fecerint,
LACHES
Quando haec abierit. Odiosa haec est aetas adolescentulis.
E medio aequum excedere est. Postremo iam nos fabula
620
Sumus, Pamphile, senex atque anus.
Sed video Phidippum egredi per tempus: accedamus.
[Textpart 4]
Tibi quoque edepol iratus sum, Philumena,
PHIDIPPUS
Graviter quidem; nam hercle abs te factum est turpiter;
Etsi tibi causa est de hac re: mater te impulit:
625
LACHES
Opportune te mihi,
Phidippe, in ipso tempore ostendis.
PAMPHILUS
Quid respondebo his? aut quo pacto hoc aperiam?
LACHES
Die filiae rus concessuram hinc Sostratam:
Ne revereatur minus iam quo redeat domum.
630
Nullam de his rebus culpam commeruit tua:
A Myrrhina haec sunt mea uxore exorta omnia.
Mutatio fit: ea nos perturbat, Lache.
PAMPHILUS
Dum ne reducam, turbent porro quam velint.
