Perde 3
[Textpart 5]
Sin alio est animo, renumeret dotem huc; eat.
LACHES
Ecce autem tu quoque proterve iracundus es.
PHIDIPPUS
Percontumax redisti huc nobis, Pamphile.
LACHES
Decedet iam ira haec, etsi merito iratus est.
505
PHIDIPPUS
Quia paulum vobis accessit pecuniae,
LACHES
Etiam mecum litigas?
PHIDIPPUS
Deliberet, renuntietque hodie mihi,
Velitne an non; ut alii, si huic non sit, siet.
LACHES
Phidippe, ades, audi paucis. Abiit. Quid mea?
510
Postremo inter se transigant ipsi, ut libet;
Quando nec natus neque hic mihi quicquam obtemperant;
Quae dico parvi pendunt. Porto hoc iurgium
Ad uxorem, cuius haec fiunt consilio omnia;
Atque in eam hoc omne quod mihi aegre est evomam.
515
