Perde 3
[Textpart 5]
Quae nunquam quicquam erga me commerita est, pater,
PAMPHILUS
Quod nollem; et saepe quod vellem meritam scio.
Amoque et laudo et vehementer desidero;
Nam fuisse erga me miro ingenio expertus sum;
Illique exopto ut reliquam vitam exigat
490
Cum eo viro me qui sit fortunatior;
Quandoquidem illam a me distrahit necessitas.
PHIDIPPUS
Tibi id in manu est ne fiat.
PAMPHILUS
Non est consilium, pater.
Matris servibo commodis.
495
LACHES
Quo abis? mane;
495
PHIDIPPUS
Quae haec est pertinacia?
LACHES
Dixin, Phidippe, hanc rem aegre laturum esse eum?
Quamobrem te orabam filiam ut remitteres.
PHIDIPPUS
Non credidi edepol adeo inhumanum fore.
Ita nunc is sibi me supplicaturum putat?
500
Si est ut velit reducere uxorem, licet;
