Perde 2
[Textpart 2]
Mihi sciunt nihil esse. Dices, Ducent damnatum domum:
PHORMIO
Alere nolunt hominem edacem; et sapiunt, mea quidem sententia,
335
Pro maleficio si beneficium summum nolunt reddere.
GETA
Non potest satis pro merito ab illo tibi referri gratia.
PHORMIO
Immo enim nemo satis pro merito gratiam regi refert.
Tene asymbolum venire, unctum atque lautum e balneis,
Otiosum ab animo, quum ille et cura et sumtu absumitur
340
Dum tibi sit quod placeat; ille ringitur, tu rideas;
Prior bibas, prior decumbas; coena dubia apponitur.
GETA
Quid istuc verbi est?
PHORMIO
Ubi tu dubites quid sumas potissimum.
Haec cum rationem ineas quam sint suavia et quam cara sint,
Ea qui praebet non tu hunc habeas plane praesentem Deum?
345
GETA
Senex adest: vide quid agas: prima coitio est acerrima.
Si eam sustinueris, postilla iam, ut libet, ludas licet.
[Textpart 3]
En unquam cuiquam contumeliosius
DEMIPHO
Audistis factam iniuriam quam haec est mihi?
PHORMIO
Quin tu hoc age: st!
350
