Perde 3
[Textpart 5]
At quem Deum? qui templa coeli summa sonitu concutit.
CHAEREA
Ego homuncio hoc non facerem? ego illud vero ita feci ac lubens.
590
Dum haec mecum reputo, arcessitur lavatum interea virgo:
It, lavit, rediit: deinde eam in lectum illae collocant.
Sto exspectans si quid mihi imperent. Venit una; Heus tu, inquit, Dore
Cape hoc flabellum et ventulum huic sic facito, dum lavamus:
Ubi nos laverimus si voles lavato. Accipio tristis.
595
ANTIPHO
Tum equidem istuc os tuum impudens videre nimium vellem;
Qui esset status, flabellum tenere te asinum tantum.
CHAEREA
Vix elocuta est hoc, foras simul omnes proruunt se:
Abeunt lavatum: perstrepunt, ita ut fit domini ubi absunt.
Interea somnus virginem opprimit; ego limis specto
600
Sic per flabellum clanculum; simul alia circumspecto
Satin explorata sint. Video esse; pessulum ostio obdo.
CHAEREA
Quid? quid tum? fatue.
CHAEREA
An ego occasionem
Mihi ostentam tantam, tam brevem, tam optatam, tam insperatam.
Amitterem? tum pol ego is essem vere qui simulabar.
605
