Perde 3
[Textpart 4]
Is est, an non est? ipsus est. Quid hoc hominis? qui hic ornatus est?
545
ANTIPHO
Quid illud mali est? nequeo satis mirari neque coniicere.
Nisi quicquid est, procul hinc libet prius quid sit sciscitari.
[Textpart 5]
Numquis hic est? nemo est: numquis hinc me sequitur? nemo homo est.
CHAEREA
Iamne erumpere hoc licet mihi gaudium? pro Iupiter!
Nunc est profecto interfici cum perpeti me possum,
550
Ne hoc gaudium contaminet vita aegritudine aliqua.
Sed neminemne curiosum intervenire nunc mihi,
Qui me sequatur, quoquo eam; rogitando obtundat, enecet;
Quid gestiam, aut quid laetus sim; quo pergam, unde emergam; ubi siem
Testitum hunc nactus; quid mihi quaeram; sanus sim, anne insaniam?
555
ANTIPHO
Adibo, atque ab eo gratiam hanc quam video velle inibo.
Chaerea, quid est quod sic gestis? quid sibi hic vestitus quaerit?
Quid est quod laetus sis? quid tibi vis? satin sanus? quid me adspectas?
CHAEREA
O festus dies hominis! amice salve.
Nemo est hominum, quem ego nunc magis cuperem videre quam te.
560
ANTIPHO
Narra istuc quaeso quid siet.
CHAEREA
Immo ego te obsecro hercle ut audias.
Nostine hanc, quam amat frater?
