Perde 2
[Textpart 2]
Sex ego te totos Parmeno hos menses quietum reddam,
GNATHO
Ne sursum deorsum cursites, neve usque ad lucem vigiles.
GNATHO
Detineo te fortasse: tu profectus alio fueras.
280
GNATHO
Tum tu igitur paululum da mihi operae: fac ut admittar
PARMENO
Age modo; nunc tibi patent fores hae, quia istam ducis.
GNATHO
Numquam evocari hinc vis foras?
PARMENO
Sine biduum hoc praetereat:
Qui mihi nunc uno digitulo fores aperis fortunatus
Nae tu istas faxo calcibus saepe insultabis frustra.
285
GNATHO
Etiam nunc hic stas Parmeno? eho numnam hic relictus custos,
Ne quis forte internuntius clam a milite ad istam curset?
PARMENO
Facete dictum: mira vero militi quae placeant.
Sed video herilem filium minorem huc advenire.
Miror quid ex Piraeeo abierit; nam ibi custos publice est nunc.
290
