Perde 1
[Textpart 2]
Dicebat ipsa: patriam et signa caetera
THAIS
Neque scibat, neque per aetatem etiam potuerat.
Mercator hoc addebat, e praedonibus
Unde emerat se audisse abreptam e Sunio.
115
Mater ubi accepit, coepit studiose omnia
Docere, educare ita uti si esset filia.
Sororem plerique esse credebant meam.
Ego cum illo quicum tum uno rem habebam hospite
Abii huc; qui mihi reliquit haec quae habeo omnia.
120
PARMENO
Utrumque hoc falsum est: effluet.
Neque tu uno eras contenta, neque solus dedit;
Nam hic quoque bonam magnamque partem ad te attulit.
THAIS
Ita est: sed sine me pervenire quo volo.
Interea miles qui me amare occeperat
125
In Cariam est profectus: te interea loci
Cognovi: tute scis postilla quam intumum
Habeam te, et mea consilia ut tibi credam omnia.
PHAEDRIA
Ne hoc quidem tacebit Parmeno.
