Perde 1
[Textpart 2]
Quod heri intromissus non est.
Tremo horreoque postquam aspexi hanc.
Accede ad ignem hunc; iam calesces plus satis.
85
THAIS
Quis hic loquitur? ehem, tune hic eras, mi Phaedria?
Quid hic stabas? cur non recta introibas?
De exclusione verbum nullum.
PHAEDRIA
Sane quia vero hae mihi patent semper fores,
Aut quia sum apud te primus.
90
THAIS
Missa istaec face.
90
PHAEDRIA
Quid missa? o Thais, Thais, utinam esset mihi
Pars aequa amoris tecum, ac pariter fieret,
Ut aut hoc tibi doleret itidem ut mihi dolet,
Aut ego istuc abs te factum nihili penderem.
THAIS
Ne crucia te, obsecro, anime mi, mi Phaedria.
95
Non pol quo quemquam plus amem aut plus diligam
Eo feci: sed ita erat res; faciundum fuit.
