Perde 5
MENEDEMUS
Ubi abiere intro, operuere ostium.
Clinia haec fieri videbat?
MENEDEMUS
Quidni? mecum una simul.
CHREMES
Fili est amica Bacchis, Menedeme. Occidi.
CHREMES
Decem dierum vix mihi est familia.
MENEDEMUS
Quid? istuc times quod ille operam amico dat suo?
910
CHREMES
Immo quod amicae.
CHREMES
An dubium id tibi est?
Quemquamne animo tam communi esse, aut leni putas,
Qui se vidente amicam patiatur suam?—
MENEDEMUS
Quidni? quo verba facilius dentur mihi.
CHREMES
Derides merito. Mihi nunc ego succenseo.
915
Quot res dedere ubi possem persentiscere,
Nisi essem lapis? Quae vidi! Vae misero mihi.
